Энэ лекцээр хүний эрх чөлөө гэсэн эрхэм үг болох ойлголтын тухай ярина.
Ялангуяа эрх чөлөө дутагдсан үгүйлэгдсэн Монголын аж ахуй орчин болон төр улсын байгаа байдал иргэн хүнд эрх чөлөөг ойлгуулж эдлүүлж даалгаж чадсангүй.
Эрх чөлөө гэдэг тийм ч амар өгөгдсөн биш. Эрх чөлөөг хүн хэрэглэхгүй бол тэгээд эрх чөлөө гэж ярих хэрэггүй. Эрх чөлөө гэдэг хэрэглэдэг чухал шаардлагатай хүмүүст зориулагдсан.
Эрх чөлөө гэдэг мөнгөнд баригдсан хажуугийн хүмүүсдээ дарамтлуулсан дарга боосдоо дарлуулсан холдож чадахгүй хорогдсон аймхай хулчгар бялдууч байгаа байдалдаа бууж өгсөн зохицсон аргагүй байдалд орсон хүмүүсийн ярих сэдэв биш.
Эрх чөлөө гэдэг нэг талдаа дарамт шахалт тулгалтаас чөлөөлөгдөж мултрах гэсэн эрх чөлөөний төлөө явах нөгөө талдаа эрх чөлөө эдлэж өөрөө сонгох шийдэх гэсэн цаашид зорилгодоо ойртох гэсэн нэг юмны төлөө эрх чөлөө. Энэ хоёрын ялгааг мэдэж сурч хэрэгжүүлж байж л эрх чөлөө гэж ярих болно гэдэг тухай нилээд соён гэгээрүүлсэн лекц болох шинжтэй.